*జోగిపేటలో ఘనంగా 9వ పోషణ మాసం*
*తెలుగు ట్రెండ్స్, అందోలు:*
ఐసీడీఎస్ ఆధ్వర్యంలో అందోలు-జోగిపేట మున్సిపల్ పరిధిలోని16 వ వార్డు స్థానిక అవుసలి సంఘంలో 9వ పోషణ మాసం కార్యక్రమం ఏర్పాటు చేశారు. ఈ కార్యక్రమానికి అందోలు- జోగిపేట మున్సిపల్ చైర్మన్ కృష్ణా రెడ్డి, వైస్ చైర్మన్ ఆకుల సత్యనారాయణ (చిట్టి బాబు) హాజరై గర్భిణీ స్త్రీలు, కిషోర బాలికలు తీసుకోవాల్సిన పోషకాహారం, పరిశుభ్రతల గురించి విపులంగా వివరించారు. ఈ కార్యక్రమంలో స్థానిక 16 వ వార్డు కౌన్సిలర్ పట్లోల శ్రీనివాస్, జిల్లా శిశు సంక్షేమ శాఖ అధికారి లలిత కుమారి, ఐసీడీఎస్ సీడీపీఓ మధులత, మెప్మా టీఎంసీ బిక్షపతి గౌడ్, ప్రాజెక్ట్ పరిధిలోని అంగన్వాడీ టీచర్ లు మెప్మా ఆర్పీలు పాల్గొన్నారు.
