చిన్నశంకరంపేటలో ఘనంగా కొండా లక్ష్మణ్ బాపూజీ జయంతి వేడుకలు
పద్మశాలి సంఘం ఆధ్వర్యంలో నివాళులు.. బాపూజీ ఆశయాల సాధనకు కృషి చేయాలని పిలుపు
చిన్నశంకరంపేట, సెప్టెంబర్ 27 (తెలుగు ట్రెండ్స్ న్యూస్):
మెదక్ జిల్లా చిన్నశంకరంపేట మండల కేంద్రంలో పద్మశాలి సంఘం ఆధ్వర్యంలో ఆచార్య కొండా లక్ష్మణ్ బాపూజీ 111వ జయంతి వేడుకలను ఆదివారం ఘనంగా నిర్వహించారు. ఈ సందర్భంగా బాపూజీ చిత్రపటానికి పూలమాలలు వేసి ఘనంగా నివాళులర్పించారు.
ఈ సందర్భంగా పలువురు నాయకులు మాట్లాడుతూ.. కొండా లక్ష్మణ్ బాపూజీ తెలంగాణ ఉద్యమం, సామాజిక సేవ, బడుగు బలహీన వర్గాల అభ్యున్నతికి చేసిన కృషి చిరస్మరణీయమని పేర్కొన్నారు. సమాజంలోని అన్ని వర్గాల అభివృద్ధి కోసం ఆయన చూపిన మార్గంలో ప్రతి ఒక్కరూ ముందుకు సాగాలని పిలుపునిచ్చారు.
కొండా లక్ష్మణ్ బాపూజీ ఆశయాలకు అనుగుణంగా సమాజంలో ఐక్యతను పెంపొందిస్తూ అన్ని వర్గాల సమగ్ర అభివృద్ధికి సమన్వయంతో పనిచేయాల్సిన అవసరం ఉందన్నారు. యువత ఆయన జీవితం, పోరాట స్ఫూర్తిని ఆదర్శంగా తీసుకుని సామాజిక సేవలో భాగస్వాములు కావాలని సూచించారు.
బాపూజీ సేవలను స్మరించుకుంటూ ఆయన ఆశయాల సాధన కోసం కృషి చేయడమే ఆయనకు అందించే నిజమైన నివాళి అని నాయకులు పేర్కొన్నారు. ఈ సందర్భంగా పద్మశాలి సంఘం సభ్యులు, నాయకులు బాపూజీ చిత్రపటానికి నివాళులర్పించి ఆయన సేవలను కొనియాడారు.
ఈ కార్యక్రమంలో గ్రామ అధ్యక్షులు డాక్టర్ తుమ్మ సత్యనారాయణ, టి. శ్రీనివాస్, ఎర్రగడ్డ కిష్టయ్య, ఉడుత శ్రీమన్నారాయణ, తుమ్మ శంకరయ్య, కృష్ణ, అరవింద్, చిట్యాల శ్రీహరి, నామ నర్సింలు, నందాల శ్రీనివాస్, కొండ యాదగిరి, పుట్ట కృష్ణ, బీడీల పెంటయ్య, కే. లక్ష్మణ్, టి. వెంకటేశం, నామ వెంకట రాములు, బైండ్ల బాలరాజ్, గుండు మురళి, వనం నర్సింలు తదితరులు పాల్గొన్నారు.
