ఘనాపూర్‌లో నూతన ప్రయాణ ప్రాంగణం ప్రారంభం
నర్సాపూర్ కాంగ్రెస్ పార్టీ ఇన్‌చార్జి ఆవుల రాజిరెడ్డి చేతుల మీదుగా ప్రారంభోత్సవం
కొల్చారం, అక్టోబర్ 16: మెదక్ జిల్లా కొల్చారం మండలం ఘనాపూర్ గ్రామంలో శుక్రవారం మధ్యాహ్నం నూతన ప్రయాణ ప్రాంగణాన్ని ఘనంగా ప్రారంభించారు. చిన్న ఘనాపూర్ గ్రామ సర్పంచ్ చందాపురం మధుసూదన్ రెడ్డి ఆధ్వర్యంలో నిర్వహించిన ఈ కార్యక్రమానికి నర్సాపూర్ కాంగ్రెస్ పార్టీ ఇన్‌చార్జి ఆవుల రాజిరెడ్డి ముఖ్య అతిథిగా హాజరై నూతన ప్రయాణ ప్రాంగణాన్ని ప్రారంభించారు.
ఈ సందర్భంగా గ్రామీణ ప్రాంతాల్లో ప్రజలకు అవసరమైన మౌలిక సదుపాయాల అభివృద్ధి, ప్రయాణ సౌకర్యాల మెరుగుదల ప్రాధాన్యతను సంతరించుకుంటున్నాయి. గ్రామ ప్రజలకు ఉపయోగపడే విధంగా నూతన ప్రాంగణాన్ని ఏర్పాటు చేయడం పట్ల స్థానికులు హర్షం వ్యక్తం చేశారు. గ్రామ అభివృద్ధికి అవసరమైన సదుపాయాల కల్పనలో ప్రజాప్రతినిధులు, స్థానిక నాయకులు సమన్వయంతో ముందుకు సాగాలని పలువురు అభిప్రాయపడ్డారు.
ఈ ప్రారంభోత్సవ కార్యక్రమంలో ఘనాపూర్ కాంగ్రెస్ పార్టీ అధ్యక్షుడు నాగులవారి మల్లేశం గౌడ్, అప్పాజీపల్లి సర్పంచ్ గజినీ వెంకట గౌడ్, హంసన్‌పల్లి మాజీ సర్పంచ్ శ్రీనివాస్, రాంపూర్ సర్పంచ్ మొగిలి రాజు ఘనపూర్ వార్డ్ సభ్యులు కాంగ్రెస్ పార్టీ నాయకులు, కార్యకర్తలు, స్థానిక ప్రజలు తదితరులు పాల్గొన్నారు. కార్యక్రమం గ్రామస్థుల సమక్షంలో సందడిగా సాగింది.
