మెదక్‌లో వైభవ్ షాపింగ్ మాల్ ప్రారంభం.. సందడి చేసిన ఫారియా అబ్దుల్లా
మెదక్ పట్టణంలో నేడు వైభవ్ షాపింగ్ మాల్‌ను ఘనంగా ప్రారంభించారు. ఈ కార్యక్రమానికి మెదక్ ఎమ్మెల్యే మైనంపల్లి రోహిత్ రావు ముఖ్య అతిథిగా హాజరై షాపింగ్ మాల్‌ను ప్రారంభించారు. ఈ సందర్భంగా మాల్ నిర్వాహకులు, సిబ్బంది ఎమ్మెల్యేకు స్వాగతం పలికారు. ప్రారంభోత్సవ కార్యక్రమానికి ప్రజలు పెద్ద సంఖ్యలో తరలివచ్చారు.
కాగా, ‘జాతిరత్నాలు’ సినిమా ఫేమ్, సినీ నటి ఫారియా అబ్దుల్లా ఈ కార్యక్రమంలో ప్రత్యేక ఆకర్షణగా నిలిచారు. ఆమె హాజరుకావడంతో అభిమానులు, ప్రజలు పెద్ద సంఖ్యలో చేరుకుని సందడి చేశారు. ఫారియా అబ్దుల్లాను చూసేందుకు అభిమానులు ఆసక్తి చూపించారు.
మెదక్ ప్రజలకు అందుబాటులోకి వచ్చిన వైభవ్ షాపింగ్ మాల్‌లో వివిధ రకాల షాపింగ్ సదుపాయాలు అందుబాటులో ఉండనున్నాయి. ప్రారంభోత్సవం సందర్భంగా మాల్ ప్రాంగణం సందడిగా మారింది. ఈ కార్యక్రమంలో మెదక్ మున్సిపల్ చైర్మన్ రాధిక భూపతిరాజ్, మున్సిపల్ వైస్ చైర్మన్ నరేష్ గౌడ్‌తో పాటు పలువురు ప్రజాప్రతినిధులు, నిర్వాహకులు, అభిమానులు, ప్రజలు తదితరులు పాల్గొన్నారు.
