పాపన్నపేట మండలంలో ఎమ్మెల్యే రోహిత్ రావు పర్యటన.. పలు అభివృద్ధి పనులకు శ్రీకారం

 

పాపన్నపేట మండలంలో ఎమ్మెల్యే మైనంపల్లి రోహిత్ రావు పర్యటన

పలు అభివృద్ధి కార్యక్రమాలకు శ్రీకారం.. వినాయక నిమజ్జనంలో పాల్గొననున్న ఎమ్మెల్యే

పాపన్నపేట, సెప్టెంబర్ 18 (తెలుగు ట్రెండ్స్):
మెదక్ ఎమ్మెల్యే మైనంపల్లి రోహిత్ రావు శనివారం పాపన్నపేట మండలంలో పర్యటించి పలు అభివృద్ధి కార్యక్రమాలను ప్రారంభించనున్నట్లు పాపన్నపేట మండల కాంగ్రెస్ పార్టీ అధ్యక్షుడు లింగంపేట నరేందర్ గౌడ్ తెలిపారు.

ఈ సందర్భంగా ఆయన మాట్లాడుతూ.. మధ్యాహ్నం 1 గంటకు మండల కేంద్రమైన పాపన్నపేటలో రెండు బోర్ మోటార్లను ఎమ్మెల్యే ప్రారంభిస్తారని తెలిపారు. అనంతరం 1:30 గంటలకు కొత్త లింగాయిపల్లి, పాత లింగాయిపల్లి, కొంపల్లి గ్రామాల్లో ఏర్పాటు చేసిన బోర్ మోటార్లను ప్రారంభించనున్నట్లు వెల్లడించారు.

అనంతరం మధ్యాహ్నం 3 గంటలకు డాక్యా తండాలో పాఠశాల ప్రహరీ గోడతో పాటు ఇందిరమ్మ ఇంటిని ఎమ్మెల్యే ప్రారంభిస్తారని తెలిపారు. సాయంత్రం 4 గంటలకు మరో బోర్ మోటార్, సీసీ రోడ్డు ప్రారంభోత్సవ కార్యక్రమాల్లో పాల్గొంటారని చెప్పారు.

అభివృద్ధి కార్యక్రమాల అనంతరం స్థానికంగా నిర్వహించే వినాయక నిమజ్జనం కార్యక్రమంలో ఎమ్మెల్యే మైనంపల్లి రోహిత్ రావు పాల్గొంటారని నరేందర్ గౌడ్ తెలిపారు.

మెదక్ నియోజకవర్గానికి ఎమ్మెల్యేగా మైనంపల్లి రోహిత్ రావు కొనసాగుతున్న విషయం ఎన్నికల, శాసనసభ రికార్డుల్లో ఉంది.

ఈ కార్యక్రమాలకు మండల పరిధిలోని ఆయా గ్రామాలకు చెందిన కాంగ్రెస్ పార్టీ నాయకులు, కార్యకర్తలు అధిక సంఖ్యలో హాజరై విజయవంతం చేయాలని మండల కాంగ్రెస్ అధ్యక్షుడు లింగంపేట నరేందర్ గౌడ్ పిలుపునిచ్చారు.