మనోహరాబాద్‌లో రేపు విద్యుత్ సరఫరాకు అంతరాయం
చెట్ల కొమ్మల తొలగింపు పనులు.. ఉదయం 8 నుంచి మధ్యాహ్నం 1.30 గంటల వరకు సరఫరా నిలిపివేత
మనోహరాబాద్, సెప్టెంబర్ 19 (తెలుగు ట్రెండ్స్):
మనోహరాబాద్ మండల పరిధిలోని పలు ప్రాంతాలు, పరిశ్రమలకు ఆదివారం విద్యుత్ సరఫరాలో అంతరాయం ఏర్పడనుంది. మనోహరాబాద్ 132/33 కేవీ సబ్‌స్టేషన్ నుంచి వచ్చే 33 కేవీ కాళ్లకల్ ఇండస్ట్రియల్ ఫీడర్, 33 కేవీ సీతారామ ఫీడర్ల పరిధిలో చెట్ల కొమ్మల తొలగింపు పనులు చేపట్టనున్నట్లు TGSPDCL అధికారులు తెలిపారు.
ఈ పనులు సెప్టెంబర్ 20న ఉదయం 8 గంటల నుంచి మధ్యాహ్నం 1 గంట వరకు కొనసాగనున్నాయి. దీంతో ముప్పిరెడ్డిపల్లి సబ్‌స్టేషన్ పరిధిలోని గృహ వినియోగదారులు, పరిశ్రమలకు, అలాగే కొండాపూర్ సబ్‌స్టేషన్ పరిధిలోని పరిశ్రమలకు విద్యుత్ సరఫరాలో అంతరాయం ఏర్పడనుంది.
మొత్తంగా సంబంధిత ప్రాంతాల్లో ఉదయం 8 గంటల నుంచి మధ్యాహ్నం 1.30 గంటల వరకు విద్యుత్ సరఫరా నిలిచే అవకాశం ఉందని అధికారులు తెలిపారు. చెట్ల కొమ్మల తొలగింపు పనులు పూర్తయిన వెంటనే విద్యుత్ సరఫరాను పునరుద్ధరించనున్నట్లు పేర్కొన్నారు.
విద్యుత్ అంతరాయం నేపథ్యంలో గృహ వినియోగదారులు, పరిశ్రమల యాజమాన్యాలు ముందస్తు ఏర్పాట్లు చేసుకోవాలని, పనులకు సహకరించాలని TGSPDCL అధికారులు విజ్ఞప్తి చేశారు.
