యువ గణేష్ మండలి ఆధ్వర్యంలో ఘనంగా అన్నదాన వితరణ
అన్నదానం మహాదానం.. యువత సేవా కార్యక్రమాలు చేపట్టాలి: సర్పంచ్ దేవన్నగారి శేఖర్
కొల్చారం, సెప్టెంబర్ 20 (తెలుగు ట్రెండ్స్):
వినాయక నవరాత్రుల సందర్భంగా మెదక్ జిల్లా కొల్చారం మండల కేంద్రంలో యువ గణేష్ మండలి ఆధ్వర్యంలో ఆదివారం అన్నదాన కార్యక్రమాన్ని ఘనంగా నిర్వహించారు. ఈ కార్యక్రమాన్ని కొల్చారం గ్రామ సర్పంచ్ దేవన్నగారి శేఖర్, వార్డు సభ్యులు నేరెళ్ల సత్యనారాయణ, వనమాల శ్రీధర్, యాదగిరి కలిసి ప్రారంభించారు.
ఈ సందర్భంగా సర్పంచ్ దేవన్నగారి శేఖర్ మాట్లాడుతూ.. దానాల్లో అన్నదానం ఎంతో గొప్పదని అన్నారు. ఆకలితో ఉన్న వారికి ఆహారం అందించడం ద్వారా సేవాభావాన్ని చాటుకోవచ్చని పేర్కొన్నారు. యువత సామాజిక సేవా కార్యక్రమాల్లో చురుకుగా పాల్గొని, గ్రామ ప్రజలకు ఉపయోగపడే మరిన్ని కార్యక్రమాలను చేపట్టాలని సూచించారు.
గణేష్ ఉత్సవాలను పురస్కరించుకుని యువ గణేష్ మండలి సభ్యులు అన్నదాన కార్యక్రమాన్ని ఏర్పాటు చేయడం అభినందనీయమని సర్పంచ్ అన్నారు. భక్తి కార్యక్రమాలతో పాటు సేవా కార్యక్రమాలకు కూడా యువత ప్రాధాన్యత ఇవ్వాలని కోరారు.
అన్నదాన కార్యక్రమంలో గ్రామ ప్రజలు, భక్తులు పెద్ద సంఖ్యలో పాల్గొని భోజనాన్ని స్వీకరించారు. ఈ సందర్భంగా యువ గణేష్ మండలి సభ్యులు భక్తులకు భోజనం వడ్డించారు.
కార్యక్రమంలో కాంగ్రెస్ పార్టీ నాయకులు మహేశ్వర్ రెడ్డి, ఆశన్నగారి శ్రీశైలం, రాజేందర్ గౌడ్, యువ గణేష్ మండలి సభ్యులు రాజు, నవీన్, దుర్గాప్రసాద్, అనిల్, పాపయ్య, ఇమ్రాన్, రవి, హరికుమార్, వెంకట్, కృష్ణ తదితరులతో పాటు గ్రామ ప్రజలు పాల్గొన్నారు.
