మెదక్‌లో ఘనంగా క్యాథెడ్రల్ యంగ్ ఛాంప్స్ లీగ్–2026 ప్రారంభం
తొలి మ్యాచ్ ఫాల్కన్ వర్సెస్ ది ఎలైట్ ఎలెవన్.. ఎనిమిది జట్లు పోటీలో
తెలుగు ట్రెండ్స్ న్యూస్, మెదక్, అక్టోబర్ 17:
మెదక్‌లోని వెస్లీ గ్రౌండ్‌లో క్యాథెడ్రల్ యంగ్ ఛాంప్స్ లీగ్–2026 క్రికెట్ టోర్నమెంట్ శనివారం ఘనంగా ప్రారంభమైంది. స్థానిక చర్చి ప్రెసిబిటర్ రెవ. జైపాల్ ముఖ్య అతిథిగా హాజరై టోర్నమెంట్‌ను ప్రారంభించారు.
ఈ సందర్భంగా రెవ. జైపాల్ మాట్లాడుతూ, టోర్నమెంట్‌లో పాల్గొంటున్న ఎనిమిది జట్ల క్రీడాకారులు క్రీడాస్ఫూర్తితో ఆడాలని, పరస్పర గౌరవంతో పోటీపడాలని కోరారు. గెలుపోటములను సమానంగా స్వీకరిస్తూ, క్రీడా స్ఫూర్తిని చాటాలని సూచించారు. క్రీడలు యువతలో క్రమశిక్షణ, ఐక్యత, స్నేహభావాన్ని పెంపొందిస్తాయని పేర్కొన్నారు.
తొలి మ్యాచ్ ఫాల్కన్ వర్సెస్ ది ఎలైట్ ఎలెవన్
క్యాథెడ్రల్ యంగ్ ఛాంప్స్ లీగ్‌లో భాగంగా మొదటి మ్యాచ్‌లో ఫాల్కన్ (Falcon), ది ఎలైట్ ఎలెవన్ (The Elite Eleven) జట్లు తలపడనున్నాయి. టోర్నమెంట్‌లో మొత్తం ఎనిమిది జట్లు రెండు పూల్స్‌గా విభజించి పోటీపడుతున్నాయి.
పూల్–A జట్లు:
- ఫాల్కన్ (Falcon)
- ది ఎలైట్ ఎలెవన్ (The Elite Eleven)
- రైజింగ్ కేథడ్రల్ బాయ్స్ (Rising Cathedral Boys)
- ఈగల్స్ ఆఫ్ జియాన్ (Eagles of Zion)
పూల్–B జట్లు:
- విట్టేకర్ XI జూనియర్స్ (Whittaker XI Juniors)
- గ్లోరీ గ్లాడియేటర్స్ (Glory Gladiators)
- హెవెన్లీ హిట్టర్స్ (Heavenly Hitters)
- ది డిసైపుల్ స్ట్రైకర్స్ (The Disciple Strikers)
లీగ్ మ్యాచ్‌లు అక్టోబర్ 17 నుంచి 19 వరకు నిర్వహించనున్నారు. అనంతరం సెమీఫైనల్స్, ఫైనల్ మ్యాచ్ నిర్వహించి విజేతను నిర్ణయించనున్నారు. మ్యాచ్‌లన్నీ వెస్లీ స్కూల్ గ్రౌండ్‌లో జరగనున్నాయి.
ఈ కార్యక్రమంలో టోర్నమెంట్ నిర్వాహకులు ఉత్తమ్, రిచ్చి, అనూప్ టి, అనూప్‌తో పాటు అన్ని జట్ల సభ్యులు పాల్గొన్నారు.
తెలుగు ట్రెండ్స్ న్యూస్
